சனி, 26 பிப்ரவரி, 2022

Remniscenses

 A comparative Analysis of Saint Kabeerdas with Saint Thyagaraja. Part 1.

(written at the advice of my good friend Umesh ten years back and was published at his blog ) I thank Sri Umesh for retrieving my essay from his blog .
This could be of interest to my friends
especially
Uma Venkat
Lalitha Balasubramanian
Sivakumar Krishnamurthy Bala Sivakumar
Anantha Narayanan T.K.Gurunathan
கபீரைப்பற்றி ஒரு கட்டுரை எழுதவேண்டும் என அன்பர் திரு கபீரன்பன் பணித்தவுடன் ஒப்புதல் அளித்துவிட்டேன்.
இருப்பினும் கபீரைப்பற்றி முழுமையாகத் தெரிந்து கொண்டிருக்கிறேனா என்ற ஐயப்பாடு என் மனதிலே என்றென்றுமே உள்ளது. சொல்லப்போனால், 1957 முதல் கபீரின் தோஹாக்களை நான் பிரசார சபா தேர்வுகளுக்குக் கற்க துவங்கின காலத்திலிருந்து, ப்ரவீண் முடித்தபின்னும் சுமார் 1000 தோஹாக்களுக்கு மேல் மனப்பாடமாகத் தெரிந்தபின்னும் அதே நிலைதான். காரணம், கபீரின் பரிமாணம் அத்தகையது.
அவரை எந்த நோக்கிலிருந்து பார்த்தாலும், ஒரு பழுத்த ஆன்மீக வாதியாக, ஒரு தத்துவ ஞானியாக( தேரா சாயீ துஜ் மேய்ன் ஜோ ப்ஹுபன் மேய்ன் பாஸ்) , சமூக சீர்திருத்த வாதியாக, மூடப்பழக்க வழக்கங்களை அழிக்கும் நோக்குடையவராக ( பாஹன் பூஜென் ஹரி மிலை, தொ மைம் பூஜும் பஹாட்), ராம பக்தராக ( जिसी घटी प्रीती न प्रेम कि, पुनि रसना नहीं राम , ते नर इस संसार में उपजि गए बेकार ) எப்படிப்பார்த்தாலும் அவர் ஒரு வையத்துள் வாழ்வாங்கு வாழ்ந்த மனிதராக, தெய்வத்துள் வைக்கப்படுபவராக இருக்கிறார்.
உலகத்தே ஆசானைப்போன்றவர் எவருமே இல்லை. அன்னை, தந்தை, உறவினர், நண்பர் யாவருமே இருப்பினும் நல்ல ஒரு குருவினைப்போன்று மிக நெருங்கிய சொந்தம் எவரும் இல்லை. உறவினர் யாவரும் உலக பந்தங்களே. உலகத்திலே ஒருவனை முழுகடிப்பதிலே தான் கண்ணாக இருக்கையிலே குரு ஒருவர் தான் தனது சீடனை இந்த இக லோக இருட்டிலிருந்து வெளிக்கொணர்ந்து அறிவு நிலையாம் ஞான ஒளியைத் தருவதிலே முனைப்புடன் இருப்பார். அப்படிப்பட்ட‌ குரு சாதாரண மனிதனான என்னை ஒரு தேவனாக ஆக்கிவிட்டாரே, அந்த குருவிடம் தினந்தோறும் எத்துணை முறை நான் நன்றி சொல்வேன், என கபீர் சொல்வதைக்கேட்டு இக்கட்டுரையைத் துவங்குவோம்.
பலிஹாரி குரு ஆபணை, த்யொள்ம் ஹாடி கை பார்.
ஜினி மானிஷ் தைம் தேவதா, கரத் ந லாகி பார்.
கபீர் ஒரு இணையற்ற ராம பக்தர். கபீரின் பக்தி ஸாகரத்தில் முழுகியவர் பிறவிப்பெருங்கடல் நீந்தி இறைவனடி நிச்சயம் சேருவார் என்பதில் ஐயம் உண்டோ ?
கபீர் கண்ட ராமன் என எழுதுவோமா ? இல்லை , கபீர் அனுபவித்த ராமன் என சொல்வோமா?
கபீரின் மனதுக்கிசைந்த ராமன் பற்றி எழுதுவோம்.
ராமனைப் புரிந்துகொள்வதிலே அவனைப் போற்றுவதிலே, துதிப்பதிலே இருக்கும் வேற்றுமைகள், அந்த நாமம் நமக்கு என்ன நல்லது செய்கிறது என்று சொல்லும்பொழுது மறைந்து போகிறது.
ஒரு இடத்துக்குப் போகணும், டிரையினிலே போகலாமா, பஸ்ஸிலே போகலாமா இல்லை, ப்ளேனிலே போகலாமா என‌ யோசித்துக்கொண்டிருந்தபொழுது நான் மனசாலேயே அங்க ஆல்ரெடி போய்விட்டேன் என்று சொல்வதையும் நாம் கண்டு அனுபவிக்கத்தான் வேண்டும்.
ஆக, இந்த கட்டுரையில், இரண்டு நிலைகளிலும் ராம பக்தியை, மாயா ரஹித பிரும்மன் ஆகவும், அதே சமயத்தில் மாயா சஹித பிரும்மன் ஈஸ்வரன் ஆகவும் சந்திப்போம். சிந்திப்போம்.
ராம நாமத்தை சொல்ல, உச்சரிக்க, ராமனின் பக்தியில் மெய் மறக்க, கபீர் கூவியதைப்போல் வேறு யாரும் பாமர மக்களுக்குப் புரியும் வண்ணம் சொன்னார்களா என எனக்குத் தெரியவில்லை. அந்த ராம நாமத்தை ஒரு தடவை சொன்னால்,ஆயிரம் தரம் சொன்னால் மாதிரி.
ஸ்ரீ ராம ராம ராமேதி ரமே ராமே மனோரமே
சஹாச்ர நாம தச்துல்யம் ஸ்ரீ ராம நாம வராஹனே
நிற்க. ராமனைப் பற்றி கபீர் என்ன சொல்கிறார் என்ற உடனேயே நமது கண்களில், ராமன் ஒரு சீதா ராமனாக, கோதண்டராமனாக, ஜெயராமன், பட்டாபி ராமன்,ரகுராமன், கோசலைராம‌, கல்யாண ராமன், வேங்கட ராமன் , தசரத ராமன், இப்படி பல்வேறு நாமாக்களைக்கொண்ட ராமனாக சித்தரித்துக் கொண்டால், அதற்கு கபீர் பொறுப்பில்லை.
முதலில் நமக்கு தெரிந்த ராமனின் கதையை கேட்போமா ?
எம்.எஸ். சுப்புலக்ஷ்மி பாடுவதை முதலில் கேட்போம்.
சகுணவாதியான துளசிதாசரைப்பார்த்தால்,அவரைப்போல் ராம பக்தர் இருப்பரோ என்று வியக்கிறோம்.
துளசிதாஸரின் ராம சரித மானஸில் ”துமக் சலத் ராமசந்த்ர” லதாமங்கேஷ்கர் அவர்கள் குரலில்
நாம் காணும் சர்வ குணஸ்ரேஷ்டனான Sarva guna sampannan, ragu kula nayakan Aana ராம பிரான், பக்த தியாகராஜர் எழுபத்தி இரண்டு மேள கர்த்தா ராகங்களிலும் பாடியிருக்கும் இராம பிரான் சகுண பிரும்மன். அவதார புருஷன்.
’யதா யதா ஹி தர்மஸ்ய க்லானிர் பவதி பாரத’ என்று அதர்மத்தை வென்று தர்மத்தை நிலை நாட்ட வந்த பரம்பொருள்.அந்த பரம்பொருள் ராமனாக அவதாரம் செய்தபொழுது, அப்பாலகன் ராமனுக்கு குலசேகர் ஆழ்வார் பிரபந்தத்தில் தாலாட்டு பாடி மகிழ்வார். ராமனிடம் அவர் காட்டும் வாத்ஸல்யத்துக்கு ஈடு ஏது!
ராகவனனே தாலேலோ இங்கே கேளுங்கள். பாம்பே ஜெயஸ்ரீ
Get this widget | Track details | eSnips Social DNA
Mannupugazh - பெருமாள் திருமொழி (Divya prabhandam)
Lyrics: Kulasekhara aazhwar ;Singer: Bombay Jayashree (Album: Vatsalyam); Raga : Nilambari
மும்மூர்த்திகளில் ஒருவராம் பக்த தியாகராஜரின் கீர்த்தனைகளில், அந்த யதுகுல, ராகவ ராமன், ராஜா ராமன், கோசலை ராமன் அழகிலே மயங்கி, அவனுடைய குணாதிசியங்களை எல்லாம் சொல்லி சொல்லி, பாடி பாடி மகிழ்ந்து, ராமா, நீயே எனக்கு எல்லாம் எனக் கதறி, ராமா ! என்னை இகலோக பந்தங்களில் இருந்து விடுவித்து மோக்ஷமதை தா என பிரலாபிக்கும், கண்ணீர் வடிக்கும் நிலை ஸர்வகுண ஸம்பன்ன ப்ரதீக உபாசனையின் ப்ரத்யக்ஷ உதாரணம்.
ராமா ! நீயே சர்வ குண ஸம்பன்ன தாரி. நீ வா என்று அழைக்கும் பக்த தியாகராஜர் அவர்களைப்பார்ப்போம்.
[Let all be attentive. Oh Ramachandra,please come. Oh Rama the repository of all virtues,please enter. ]
இதே பாடலை பாம்பே ஜெயஸ்ரீ அவர்கள் குரலில் கேட்க
ராமாய ராம பத்ராய ராம சந்திராய வேதசே
ரகுநாதாய நாதாயா சீதாயா பதயே நமஹா
என்று சொல்கிறோம்.
அதே சமயத்தில் இந்த நிர்குண சம்ப்ரதாய கபீர் ராம பக்தியில் திளைத்தவர் , என்று சொல்லும்போது அந்த நிர்குண நிராகார சத், சித், ஆனந்த ஸ்வரூபியாக உள்ள பரபிரும்மத்தையே ஹரி எனவும் ராமன் எனவும் குறிப்பிடுகிறார் எனக்கொள்ளுதல் வேண்டும்.
என்ன சொன்னாலும், சகுண பிரும்ம உபாசனையானாலும், நிர்குணமான இறை தத்துவமாக இருந்தாலும் சரி, ராம என்று ஒரு முறை சொல்லிவிட்டாலும் போதும் பாபங்கள் எல்லாமே நீங்கிவிடும் என்று இருவருமே சொல்கிறார்கள்.
கபீரைப் பொறுத்தவரை, ராம் என்பது ஒரு இறைவனது பேரொளியில் அடைக்கலமாய், தன்னை மறந்து , "தன்னை " இழந்து,அந்த பிரும்மனில் சான்னித்யம் அடைந்து, தானும் அந்த பிரும்மனும் ஒன்றே எனத் தெளிந்த அத்வைத நிலை. தத்துவம். ஆயினும் இறைவனை அடைய அவர் சென்ற வழி, மார்க்கம், பக்தி மார்க்கம். ராஜ யோகம், ஞான யோகம், கர்ம யோகம் யாவையும் விடுத்து,பக்தி மார்க்கத்தைக் கடைப் பிடித்து ஒழுகியவர் கபீர்.
பக்தி திராவிட உபஜை, லாயே ராமனந்த்.
பர்கத் கியா கபீர் நே , சப்த தீப் நவ காண்ட்
என சொல்லப்படும் உக்தி படி,
கபீர் தனது குருவின் உபதேசம் " ராம் " எனப்பெற்று, அதைப் போற்றி தமது தத்துவத்தை, நாரத பக்தி எனும் பெயர் சூட்டி, அதன் அடிப்படை தத்துவமே எல்லா ஜீவ ராசிகளிடம் அன்பு பூண்டு இருப்பதே இறைவனை அடையும் ஒரே வழி என தமது தோஹாக்கள் வழியே சொல்லியிருக்கிறார்.
இறைவனை ப்ரேம ஸ்வரூபி ஆகவும், அன்பின் வடிவாகவும் கண்டு, அன்பின் வழியேதான் அந்த ராமனை அடைவது எளிதான வழி எனவும் சொல்கிறார். அந்த காலத்திய பக்தி மார்க்கங்களுக்கு அப்பாற்பட்ட வழி நாரத பக்தி எனச் சொல்லப்பட்டது.
(# நாரத பக்தி பற்றிய விவரமான குறிப்பு கட்டுரையின் முடிவில் கொடுக்கப்பட்டுள்ளது#)
அவரது ஹரி, அவரது ராம் நிர்குண, நிராகார, அத்விதீய, அத்வைத இறைவன் மாயா ரஹித பிரும்மன் ஆவான். உலக வாழ்க்கையில், லெளகீக ரீதியில் நமக்கெல்லாம் பரிச்சயமான , பிரதீக உபாசனை படி, அந்த பிரும்மதிற்கு ஒரு உருவத்தைக் கொடுத்து, அக்கடவுளை பிரதிஷ்டை செய்து, பூஜை முடிந்தவுடன் அவனை யதா ஸ்தானம் அனுப்பும் பக்தி மார்க்கம் அல்ல அவருடையது. சுருக்கமாக சொல்லப்போனால், அவரது ஹரி, அவரது ராமன், மாயா ரஹித பிரும்மன். ஒரு புரிதலுக்குச் சொல்லபோனால், அது கிட்டத்தட்ட இது போல்.
உருவாய் அருவாய் உளதாய் இலதாய்
மருவாய் மலராய் மணியாய் ஒளியாய்க்
கருவாய் உயிராய்க் கதியாய் விதியாய்க்
குருவாய் வருவாய் அருள்வாய் குகனே.
ஆனாலும், கபீருக்கு உருவ வழிபாட்டில் நம்பிக்கை இல்லை.
பஹன் பூஜை ஹரி மிலை,
தொ மை பூஞ்சும் பஹாட் என்பவர் கபீர்.
அவர் வழி தனி வழி. ராமா ராமா என உருகினாலும் அவரது ராமன் நிர்குணம், நிராகாரம், ஸர்வ வ்யாபி,ஸர்வ ப்ரேமி.
நம்முடைய பாரம்பரிய வழக்கம் உருவ வழிபாடு.
உருவ வழியே அருவத்திற்குச் செல்ல நமது யோக மார்க்கங்கள் வழி காட்டுகின்றன.
தியானத்தின் வழியாக, இறைவனை அடையச்சொல்வது ராஜ யோகம். ராஜ யோகத்திலே, யமம், நியமம் என்று தொடங்கி ஆசனம், பிராணாயாமம் ,பிரத்யாஹர்ரம், தாரண, த்யானம், சமாதி என எட்டு நிலைகள் புரிந்துகொள்வதற்கே முடியவில்லையே ? இதை சாதனை செய்வது எங்கனம் ?
அது சரி . யோகங்களைப் படிப்போம் என்றால், ஹட யோகம், லய யோகம், மந்திர யோகம், ராஜ யோகம். ஹட யோகத்திலே ஹ என்றால் ஞானம். ட என்றால் ஆனந்தம். ஹட யோகத்தில் குண்டலினி ஷக்தி யை உசிப்பி விடவேண்டுமாம்.
இந்த மஹா குண்டலினி சக்திதான் மஹா பிரளயித்திலும் இருக்கிறதாம். மூலாதார சக்கிரத்தில் ஒரு முக்கோணம் வடிவத்தில் இந்த குண்டலினி ஒரு பாம்பு போல் மூனரை அடிக்கு சுருட்டி படுத்து கொண்டு இருக்கிறதாம். இதை எழ வைக்க வேண்டுமாம்.( யோவ் ! பயமா இருக்கிறதையா !!)
இது போல் ஸ்வாதிஷ்டான சக்ரம், மணி பூரக சக்ரம், அனஹத் சக்ரம், விஷுத்த சக்ரம், ஆங்கயா சக்கிரம், பிரம்மா ரங்கரா சக்கிரம், ( தலை சக்கிரம் போல் சுழல் கிறதே அய்யா !! இந்த காலத்தில் இதுவெல்லாம் புரிந்துகொள்ள முடியுமா ? அதற்கு எனக்கு நேரம் கிடையாதே !! )
இதுவெல்லாம் போதாது என்று எனது நண்பர் வேங்கட ராமன் சாஸ்திரம் படித்தவர் அவ்வப்பொழுது, ஈடா, பிங்களா, சுஷும்னா நாடிகளைப் பற்றி தெளிவாகச் சொல்கிறேன் என்று குழப்புவார். (என்னை விட்டுடுங்க சார் !!)
அப்ப கபீர் சொல்லுவார்:
[ab mohin raam baroso thera, aur kown kaa karown nihor]
ஹரியை நம்பி அவனை நினை, அது போதும். இந்த கலி யுகத்திலே நாம ஜபம் செஞ்சாலே போதும்.
(அப்பாடா ! ஆளை விடுடா !)
இப்படி, யோகா மார்க்கம், ராஜ மார்க்கம், கர்ம மார்க்கம் எனும் மற்ற மார்கங்களை
எல்லாம் விடுத்து, ராமனுஜரின் சீடராம் கபீர் பக்தி மார்க்கத்தின் நுழைவாயிலை, ராமனது ஸ்மரணையின் மகத்துவத்தை, ராம நாம உச்சாடனத்தை, கபீர் எடுத்துரைத்தது பாமர மக்களுக்கும் புரியும் வண்ணம் இருந்தது.
எல்லா மார்க்கத்தினைக் காட்டிலும் பக்தி மார்கமே சிறந்தது எனச்சொல்லும் கபீர் பக்தி மார்கத்தில் ராம நாம ஸ்மரணைதனை எல்லாவற்றைக் காட்டிலும் மிகவும் எளிது என்கிறார்.
कबीर् कहता जात है, सुणता है सब् कोइ
राम् कहे भला होइगा, नहि तर् भला न होइ ||
कबीर् कहै मै कथि गया, कथि गया ब्रम् महेश्
राम् नाव् ततसार् है, सब् काहू उपदेस
எல்லா தத்வங்களின் ஸாரமும் ராம நாமம் தான். இதை
நான் சொல்லவில்லை, பிரும்மாவும் சிவனும் இதே தான் சொல்கிறார். பிரம்மனும் மஹேஸ்வரனும் போற்றும் ராம நாம உச்சாடனைத்தை அதன் மகிமையை கபீர் எடுத்துக்காட்டியதை அடுத்த இடுகையில் காண்போம்.
----------------------------------------
நாரத பக்தி சூத்திரத்தை ஒட்டியக் குறிப்புகளும் கபீரின் பாடல்களில் உண்டு என்பதைப் பற்றிய சுப்புரத்தினம் ஐயா அனுப்பியுள்ள இன்னொரு குறிப்பு கீழே கொடுக்கப்பட்டுள்ளது.
May I add naradha bhakthi as the contemporaries of Kabir called the same included at least eleven formats that were usual amongst the saguna upasaka krama also.
This would be evident from the ஆஸக்திகள் (aasakthis) detailed below:
1. குண மஹாத்மிய சக்தி [guna mahathmiyamasakthi ]
Govyandha gun gaayiye
thathai bhayee param nirdhan
2. ரூப சக்திrupasakthi
loot chooti khelai vikaraal, ananth kala natvar gopal
3. பூஜா சக்தி poojasakthi
jehi pooja man bhaavai, sow poojanahaar na jaanai.
4. ஸ்மரண சக்தி smaranasakthi.
kahai kabeer jogee aru kangam ai sab jhooti aasa
guru prasaadi rahi chathrig jyun nihachai bhagathi nivaasaa
5. தாஸ்ய சக்தி Dasyasakthi
kahai kabeer sevom bhanvaari.
6. சக்ய சக்திsakyasakthi
( nil )
7. காந்த சக்தி kaanthasakthi.
hari mera priya main raam hi bhahuriya
8. வாத்ஸல்ய சக்தி vatsalyasakthi
hari mera piv , main raam kee bhahuriyaa
9. தன்மய சக்தி thanmayasakthi
virahin piya paavai nagin, jiyaraa thalpai maayi
kai virahin ke meech dhai, kai aapaa dhikalaayi
10. பரவிரஹ சக்தி para virahasakthi
bhahuth thinan ko johathee, bhat thumhaari raam
jiv tharasai thuj milan koon mani naahin vishraam.
11. ஆத்ம நிவேதன சக்தி aathmanivedhanaasakthi
maagho main aisaa aparaadhee, theri bhagathi heth nahin saadhi.
The inclusion of all these sakthis in his poetry does in no way indicate that kabir has astrayed away from his main Nirguna Sampradaya. These scholars say indicate to the extent kabir was influenced or 'taught' by his guru Ramanandh or the scholars of his age.
----------------------------------

ஞாயிறு, 5 டிசம்பர், 2021

சுந்தர காண்ட 46 வது சர்கம் . 

அனுமனை பிடித்துக்கொண்டு வருமாறு இராவணன் கட்டளை ஏற்று ஐந்து சேனாதிபதிகள் புறப்பட்டு, 

எல்லாப்படைகளையும் திரட்டிக்கொண்டு, பல்வேறு ஆயுதங்களுடன் புறப்பட்டு அனுமனை , ர்க்கும், போரிடும், இறுதியில் மரணமடையும் கட்டம். 

விரூபாக்ஷன், பூபாக்ஷன், துர்த்தரன், பிரக்சன் , பாசகர்ணன், ஆகிய ஐவர் . 

இவர்கள் புறப்படும்போது,   ராவணன் அவர்களுக்கு சொல்லுவது எல்லாம் இன்றும் போர் நடக்கும் இடத்திலே எப்படி, எவ்வாறு செயல்படவேண்டும் என்பதை துல்லியமாக 

எடுத்துக்காட்டும் விதமாக உள்ளது.  

எதிரியின் பலத்தை அறிந்து செயல்படவேண்டும் ...அவனுடைய உருவைக்கண்டு அல்ல, அவனுடைய அவ்வப்போதைய செயல்களுக்குத் தக்கவகையிலே போர் முறைகளையும் மாற்றி அமைக்கவேண்டும்,  போரில் ஜயம் , வெற்றி என்பது நிரந்தரமல்ல.   ஒரு பொது வெற்றி போல தோன்றும். அடுத்த கணம் அதுவே தோல்விக்கு வித்தாக இருக்க கூடும்.  ஆக, காலம், இடம், தெரிந்து வானரத்தின் அவ்வப்போதைய திறனுக்கு ஏற்றபடி செயல்பட்டு, அவனை பிடித்து வருக....என்று சொல்கிறார் ராவணன். 

அதை ஏற்று சென்ற ஐவரும் அனுமனை கண்டு அவனது அப்போதைய சிறிய வடிவைக்கண்டு வியக்கிடீ=றார்களாம். 

இந்த சின்ன குரங்கா இத்துணை அழிவை தருகிறது என எண்ணி, பல்வேறு பானங்களினால் அனுமனை தாக்க 

அனுமனும் காயப்பட்டு, சினம் கொண்டு மிகப்பெரிய உருவெடுத்து க்ரீச் என்ற ஒலியுடன் ஆகாயத்தை நோக்கி செல்ல, 

அங்கேயும், துறித்தரன் நூற்றுக்கணாக்கான அம்புகளால் அனுமனை அடிக்க, அனுமன் , 

மழைக்காலத்தே, எப்படி மேகங்கள் சூறைக்காற்றால் சின்னா பின்னா படுத்தப்பட்டு, சிதறப்படுமோ , அந்த அம்புகளை சிதறடித்துப்பின்னே 

தன உடலை இன்னுமே பெரிதாக்கிக்கொண்டு, ஒரு  பெரிய மலை போல தன்னை ஆக்கிக்கொண்டு, 

ஒரு கணத்தில் துர்த்தரன் தேரில் மேல் குதிக்க, 

அரக்கன் அந்த தேருடனே தானும் தவிடு பொடியானான்.  என்று வால்மீகி சொல்கிறார். 

இது போலவே மற்ற அரக்கர்களும் ஒருவர் பின் ஒருவராக போர் செய்து மடிந்து போகின்றனர். . கடைசியாக இருந்த இரு அரக்கர்களையும் ஒரு மலைதனை அப்படியே பிடுங்கி எடுத்து அதனை அவர்கள் மேலே அழுத்த அவர்கள் மடிகிறார்கள். யுத்தம் முடிகிறது. 

அந்த  பூமி செந்நிறமாக காட்சி அளிக்கிறது. உடல்களால் அடைக்கப்பட்டு இருக்கிறது. என்று வர்ணிக்கப்படுகிறது. 

அடுத்து யார் வருவாரோ...அவருக்காக, காத்திருப்போம், அதுவரை சற்று இளைப்பாறுவோம் என்று தோரண வாயிலை அடைகிறார் அனுமன்.  இளைப்பாறுவோம் என்று 




வியாழன், 23 செப்டம்பர், 2021

Mid Week topic

 மிட் வீக் டாபிக்

ஸ்ட்ராங் ஆ ஒரு டாபிக் கொடுத்துட்டு, இத வீக் டாபிக் வேற சொல்றாங்க.....
இருந்தாலும் முயற்சி பண்ணிப்பார்க்கறேன். சாரே...
பிடித்தது பத்து.
லைஃப்ல இடித்தது இருபது , அடிபட்டது அம்பது, கடிபட்டது நாப்பது இருக்கும்போது, பிடித்ததும் இல்லாமல் இல்லை.
கொஞ்சம் நீளமான கட்டுரை தான். சம்மரி சாரே....எனக்கு கொஞ்சம் பின்னே சுருக்கி கொடுத்தா நல்லது.
1. பார்த்துண்டே இருக்கலாம் அப்படின்னு சொல்வது யானை, முழு நிலவு, கடல் அலை. கரை லே உட்கார்ந்து மணிக்கணக்கா பார்த்துண்டே இருக்கலாம்.
ஆனா எனக்கு அதே லெவல் லே பிடித்தது அப்படின்னு சொன்னா என் அம்மா முகம். 1967 லே எடுத்தது. அவளுடைய அகம் காரணமாக முகம் அப்படி ஒரு தெய்வீகமா இன்னும் தெரியறதா ன்னு சொல்லத்தெரியல்ல... பின்னாடி ஒரு காலத்துலே அது பற்றி எழுதுவேன்.
2. கர்நாடக இசை என்னை முற்றிலும் கட்டிப்போட்டது என் இளவயது முதலே. இத்தனைக்கும் எனக்கு குரல் சுத்தமா கிடையாது. நீ வாயைத்துறந்தா உதைதான் அப்படின்னு என்னோட சங்கீத தங்கை அப்பப்ப சொன்னாலும், இது தான் என் உலகம் என்று தோன்றும். வாயிலே ஒரு நாளைக்கு கங்கை ஜலம் ஊற்றவேண்டாம். அதுக்கு பதிலா காதுலே இந்த பைரவி ராக ஆலாபனை கொஞ்சம் ஊத்துங்கோ ..பாடுங்கோ ...உப சார மூலனு ...மறந்திடாதே...ராஜி...
அந்த காலத்துலே ஜான் ஹிக்கின்ஸ் பாகவதர் பாடுவார்....தர்பாரி கானடா ராகத்துலே....கோவர்த்தன கிரிதாரி... சொக்க வைக்கும். அகிலாண்டேஸ்வரி...த்விஜாவந்தி ராகத்துலே...திருச்சூர் பிரதர்ஸ் பாடினதை கேளுங்க...நான் சொல்றது சரிதான் அப்படின்னு சொல்வீர்கள். விஸ்வரூபம் முதல் பாட்டு இதே ராகம் தான். உனைக் காணாத ....
உலகத்தையே ஆளும் ஆட்டும் இந்த ஏழு ஸ்வரங்கள் பிடிக்கும்.
3. காலேஜ் படிக்கிற காலம் முதல் இருந்தே எனக்கு முதல் காதல் ஆங்கில இலக்கியம் . விகடோரியன் ஈரா பின்னே , ரொமான்டிக் பீரியட் ..அதுலே கீட்ஸ், ஷெல்லி, வேர்ட்ஸ்வொர்த் மூன்று கவிஞர்களுமே என்னைக் கவர்ந்தவர் என்றாலும், முதலாக சொல்லணும் அப்படின்னா, ஜான் கீட்ஸ் தான். அவருடைய
ODE ON A GRECIAN URN எத்தனை தரம் படிச்சேன், இன்னும் படிக்கணும் படிக்கணும் னு தோணும். ஒரு தினுசா மயக்கும்.
ஒரு காட்டு வழியே போறான் அந்த கவி. வழியே ஒரு உடைந்து போன மட்பாண்டம் கண்ணுலே படறது. அதிலே ஒரு துண்டை எடுத்து பார்க்கிறான். அதுலே ஒரு ஓவியம். ஒரு நாகம் படம் எடுத்து ஆடுகிறது. அதுக்கு முன்னாடி பாம்பாட்டி மகுடி ஊதிக்கொண்டு இருக்கிறான்.
அத பார்த்த கவிஞன் பாடறான். " நீ இன்னும் எத்தனை காலத்துக்கு மகுடி ஊதிக்கொண்டே இருப்பே ...அந்த பாம்பும் உன் முன்னாடி எத்தனை காலத்துக்கு படம் எடுத்துண்டு நின்னுண்டே இருக்கும் ?
ஆஹா...அந்த மகுடி லெந்து வர இசை தான் எப்படி எல்லாம் இருந்திருக்கும்....அதை கேட்டவர் எல்லாம் எப்படி மயங்கினாரோ...
கீட்ஸ் எழுதுகிறான்.
கேட்ட நாதம் இனிமை என்றால் , இன்னும் கேளாத நாதங்கள் இன்னும் அல்லவா இனிப்பு ?
A FEW LINES I SHALL QUOTE.
HEARD MELODIES ARE SWEET,
SWEETER ARE THE UNHEARD ONES.
இன்னும் சில வரிகள் பின்னால் தத்துவ மழை .
அழகு என்பது உண்மை. உண்மையே அழகாம்.
அது தான் நீ அறிந்தது.
அறியவேண்டியதும் அதே தான்.
BEAUTY IS TRUTH, TRUTH BEAUTY, THAT'S ALL
YE KNEW ON EARTH AND ALL YE NEED TO KNOW.
நாம் சொல்கிறோமே
சத்யம் சிவம் சுந்தரம்.
அதையே தானே கீட்சும் சொல்லி இருக்கிறார்.
Need I say I love these immortal poets. !
4. அடுத்தது ஹ்ருஷீகேசத்தில் நான் கண்ட லக்ஷ்மன் ஜூலா.... அதன் கீழே ஓடும் கங்கை நதி. அந்த ஜூலா வில் இங்கிருந்து அங்கும் , அங்கிருந்து இங்கும் ஒரு பத்து தடவை குதித்து குதித்தது ஓடி ஓடி ......களைத்து போன பின், தொபுக்கடீர் என்று கங்கையில் குதித்தது எல்லாம் எனக்கு பிடித்த சம்பவங்கள்.
மானஸரோவரில் ஒரு அதிகாலையில் கங்கை நீரில் இறங்கி கிட்டத்தட்ட விறைச்சு போய் வெளியே வந்ததும் எனக்கு பிடித்ததுவே.
5. ஆங்கிலம், இந்தி மொழிகளில் நான் படித்த அளவிற்கு நான் நமது தாய் மொழி இலக்கியம் படிக்கவில்லை என்ற குறை இருந்தாலும், நமது திருக்குறளை விஞ்சிய வேதம் இல்லை என்ற துணிபு உள்ளது. 1975 வாக்கில் எனது நண்பர் திரு அரசிறைவனுடன் ஒன்று சேர்ந்து அறம் , பொருள் இவ்விரண்டிலும் உள்ள எல்லா அதிகாரங்களில் இருந்து மையக்கருத்து ஒன்று உரைக்கும் ஒரு பா எடுத்து அதை ஆங்கில மொழி பெயர்ப்பு செய்து தித்திக்கும் முத்துக்கள் என்ற பெயரில் வெளியீட்டில் எனது பங்கு பெரிதும் இருந்தது. ஆசிரியர் பணி புரியும் காலத்தும் நான் எந்த வகுப்பு எடுத்தாலும் குறளை மேற்கோள் காட்டாது இருந்தது இல்லை.
அத்தனை குறட் பாக்களிலும் எனக்கு பிடித்த குறள் .
வகுத்தான் வகுத்த வகை அல்லார் கோடி தொகுத்தார்க்கும் துய்த்தல் அரிது. லைஃப் முடியும்போது , நம்ம அப்படி என்ன தான் சம்பாரிச்சாலும் , அத கூட்டி, கழித்து, பெருக்கி, வகுத்து பார்த்தாஅந்த ஆண்டவன் நம்மை என்ன அனுபவிக்கனும் அப்படின்னு நினைச்சானோ ,
அந்த தத்துவம் பிடிக்கும். ..
6. ஆதி சங்கரரின் அற்புதமான கிரந்தங்கள் ரொம்பவுமே பிடிக்கும். சௌந்தர்யலஹரி லே எட்டாவது ஸ்லோகம்.
ஸுதா சுந்தோர் மத்யே சுராவிடப்பி வாடி பரிவ்ருதே,
மணித்வீபே,நீபோ பவன வதி சிந்தாமணி க்ருஹே
ஷிவா காரே மஞ்சே பரம ஷிவ பர் ய ங்க நிலையாம்
பஜந்தி த்வாம் தன்யா ஹா கதி சன ஆனந்த லஹரீம்
இந்த பாடலை என் எண்பது வயதில் ஒரு எட்டாயிரம் தரமாவது சொல்லி இருப்பேன். பிறப்பு இறப்பு இவைகளில் இருந்து விடுவிக்கும் பதிகம் என்று சொல்கிறார்கள். அது எப்படியோ....ஆதி சங்கரரின் சாஹித்யங்கள் என்னை ததவ ரீதியாக மட்டும் அல்ல, அதில் உள்ள இலக்கிய நயமும் என்னைக் கவரச்செய்யத்தான் செய்கிறது.
In the middle of the sea of nectar,
In the isle of precious gems,
Which is surrounded by wish giving Kalpaga trees,
In the garden Kadamba trees ,
In the house of the gem of thought,
On the all holy seat of the lap of the great God Shiva,
Sits she who is like a tide
In the sea of happiness of ultimate truth,
And is worshipped by only by few select holy men.
7. எனக்கும் எதோ தெரியும் என்று நினைத்து, நான் நடத்திய வகுப்புகள் கூட்டங்கள் பலவற்றிலும் பல பொருள்களிலும் , நான் பிதற்றியவைகள் எல்லாவற்றையும் பொறுமையுடன் கேட்டது மட்டும் இல்லாமல், கேட்டதை எல்லாம்கூட்டங்களோ அல்லது பயிற்சி வகுப்புகளோ முடிந்து விட்டதே , இனியும் இந்த சுமை எதற்கு என்று புறம் தள்ளாது, நினைவில் நிறுத்தி, அதை ஒரு முப்பது முப்பத்தி ஐந்து ஆண்டுகள் பின்பும் அவற்றினை நினைவு வைத்துக்கொண்டு, , எனக்கு நன்றி கூறும் நூற்றுக்கணக்கான எனது மாணவ நண்பர்களின் அன்பு உள்ளங்கள் எனக்கு பிடிக்கும்.
8. மாதா, பிதா , குரு , தெய்வம் என சொல்வர். அன்னை உன் தந்தை இவர் எனக் காட்டுகிறார். தந்தை நம்மை குருவிடம் கூட்டிச் செல்கிறார். அந்த குருவோ ஞானத்தை ஈந்து இறைவனுக்கு வழி காண்பிக்கிறார்.
கபீர் தாஸ் அவர்களை நாம் எல்லோரும் அறிவோம். அவரிடம் ஒரு கேள்வி கேட்டனர். குருவும் இறைவனும் ஒன்றாக உங்கள் முன்னே வந்து நின்றால் யாரை முதலிலே வாங்குவீர்கள் என்று. கபீர் பதில் சொன்னார்.
நான் என் குருவையே வணங்குவேன் . அவர் தானே எனக்கு கோவிந்தனைப்பற்றி சொன்னார்.
குரு கோவிந்த் தொவூன் கடே , காகே லாகோன் பாயேன் . குரு ஆப் நே , கோவிந்த் தியோ பதாயே .
குரு நாம் தேர்ந்து எடுப்பதில்லை. நமக்கு கொடுப்பினை இருப்பின் அவர் நம் கண் முன் வருகிறார்.
குருவுக்கு என்னை பிடிக்கிறது. ஆகவே நான் சீடன் ஆனேன்.
என்னை பிடித்த குருவை எனக்கு மிகவும் பிடிக்கும்.
9ஐந்து வயது முதலிருந்தே பாடசாலை யில் துவங்கி பல்வேறு கால கட்டங்களில் பலவித கிரந்தங்கள்,சாஸ்திரங்கள், வேத புத்தகங்கள், இதிகாசங்கள் படித்திருந்தாலும், கட , கேன, சாண்டுக்ய, பிருஹத் ஆரண்ய போன்ற உபநிஷத்துக்கள் பலவற்றையும், குறிப்பாக, பணி ஓய்வுக்கு பின்னே, பல மடங்கள் ஆசார்யர்கள் , த்வைத அத்வைத உபன்யாச கர்த்தாக்கள், வாயிலாகவும், சொற்பொழிவு மூலமும், வகுப்புகள் மூலமும், கற்று இருந்தாலும், பாகவதம் மட்டும் கதை தெரிந்தாலும் ஒவ்வொரு ஸ்லோகமாக பாராயணம் செய்யவில்லையே என்ற ஆதங்கம் இருக்கத்தான் இருந்தது.
அதை எப்படியோ அறிந்து , என்னை அன்புடன் அழைத்து, என்னையும் ஒரு சத் சங்கத்தில் இணைத்து , , பாகவத அத்தியாயங்கள் ஒவ்வொன்றும் படிக்கச் செய்து , அதற்கு நான் புரிந்து கொள்ளும் வண்ணம் பொருள் சொல்லி, விளங்க வைத்து, எல்லாவற்றிக்கும் மேலாக, பாகவத தர்மத்தையும் தெளிவாக எடுத்துரைத்த எங்கள் டீச்சர். அவர்களை நான் சந்தித்ததே இன்னமும் . வின் வழியே. குரல் வழியே தான். அதுவும் தெய்வ சங்கல்பம்.
அந்த குரல் மூலம் உலகெங்கும் எதிரொலித்து என் மந்த காதுகளிலும் விழுந்த
மூல மந்த்ரங்கள்
ஓம் நமோ பகவதே வாசுதேவாய, ஓம் நமோ நாராயணாய,
மிகவும் மிகவும் பிடிக்கும். என்னை உய்ய வைக்கும் .
10.கடைசியா , நான் எப்போ எங்கே என்ன எழுதினாலும் பேசினாலும் அதை உத்து உத்து கவனித்து எனக்கு z category செக்யூரிட்டி ஆக 53 வருஷமாக இருக்கும் என் இல்லாளை ரொம்ப ரொம்ப பிடிக்கும்.
First photo: taken in 1967 my mom with my dad.
Second Photo: Z category Security today. ( says she will follow me for the next seven births !! )
Nimmi Suresh, Bala Sivakumar and 45 others
44 Comments
Like
Comment